mostra o valor real do que produces

Na túa adega ou obradoiro coidas o produto: materia prima, proceso, tempo, control de calidade.

Pero moitas veces, cara ao exterior, todo iso redúcese a un par de fotos improvisadas para web ou redes.

Unha boa reportaxe fotográfica axúdache a:

• ✔️ Poñer en valor o teu espazo, o proceso e o equipo.
• ✔️ Transmitir confianza a distribuidores, clientes e visitantes.
• ✔️ Ter imaxes coidadas para web, redes, etiquetas, dossier ou enoturismo.

para quen é este servizo

• ✔️ Adegas con marca e proxecto definido que queren actualizar ou mellorar a súa imaxe visual.
• ✔️ Adegas con enoturismo ou plans de enoturismo que necesitan fotos atractivas do espazo, das visitas e das experiencias.
• ✔️ Pequenos produtores gourmet (viño, cervexa, destilados, queixo, conservas, produtos de territorio…) que necesitan unha boa reportaxe para dar un salto en visibilidade e percepción de calidade.

Tanto se precisas unha reportaxe puntual para renovar imaxes, como se buscas un colaborador recorrente para diferentes campañas ao longo do ano, podo adaptarme.

recoñéceste nisto?

1. Moitas adegas e pequenos produtores chegan a min cunha idea parecida a esta:
2. “Dinme conta de que as imaxes da nosa web e redes non fan xustiza ao produto nin á calidade que vendemos.
   Queremos poñer en valor a nosa marca con fotos que realmente nos representen e reflictan a profesionalidade, o cariño e a dedicación coa que elaboramos o que facemos.”

Se isto che soa, seguramente:

• ✔️ Tes un bo produto , pero a túa imaxe visual quedou atrás.
• ✔️ Sabes que unhas fotos mellores poderían abrirche portas (distribuidores, visitas, prensa, redes…).
• ✔️ E non queres “calquera foto”: queres imaxes que conecten co que sodes de verdade.

por que contar cun fotógrafo especializado?

1. ✔️ Diferénciate doutras adegas / produtores da túa zona
   Non é o mesmo ensinar só a botella que mostrar tamén a historia, o lugar e as persoas que hai detrás.
2. ✔️ Mellora a túa imaxe en web, redes e materiais comerciais
   Fotos consistentes que podes usar en presentacións, catálogos, notas de prensa ou campañas.
3. ✔️ Prepara o teu proxecto para enoturismo e visitas
   Se queres atraer visitas á adega ou ao obradoiro, as imaxes son clave para xerar interese antes de que veñan.
4. ✔️ Conta o proceso, non só o resultado
   Podo documentar tamén procesos de produción, vendima, elaboración, catas, pequenos eventos propios… 
5. Todo o que axude a que o teu cliente entenda o valor real do que fas.

.

que che ofrezo

✔️ Reportaxes fotográficas de:

• ● Espazos: adega, viñedo, obradoiro, sala de catas, tenda, contorna paisaxística…
• ● Proceso: vendima, elaboración, embotellado, afinado, produción artesá…
• ● Produto: botellas, etiquetas, emplatados, packs, detalles de produto gourmet…
• ● Persoas: equipo, familia, visitas, catas, pequenos eventos e experiencias de enoturismo.

✔️ Entrega en formatos adaptados para:

• ● Web e tenda online
• ● Redes sociais
• ● Dossiers comerciais, catálogos e notas de prensa
• ● Cartelería e impresión

✔️ Posibilidade de:

• ● Reportaxes puntuais (unha sesión para renovar imaxes)
• ● Colaboración recorrente (varias sesións ao ano: vendima, novas colleitas, eventos, campañas específicas…)

✔️ Trato directo e planificación conxunta para aproveitar ao máximo cada sesión.

un proceso claro e adaptado ao teu ritmo

1. ✔️ Falamos do teu proxecto
   Que fas, que queres transmitir, que tipo de cliente queres atraer e para que vas usar as imaxes.
2. ✔️ Planificamos a sesión
   Acordamos data, horarios, zonas a fotografar e, se é necesario, momentos clave do proceso (vendima, produción, visitas, catas…).
3. ✔️ Sesión na túa adega ou obradoiro
   Traballo con discreción, respectando o ritmo da produción e das visitas, pero buscando sempre o mellor punto de vista e a mellor luz.
4. ✔️ Selección e entrega das imaxes
   Entrego unha selección coidada de fotografías editadas, listas para usar en web, redes e materiais comerciais.

Ti segues centrado na produción, eu encárgome de mostrar visualmente o valor do que fas.

por que traballo con adegas e pequenos produtores

Gústame traballar con proxectos ligados ao territorio, ao rural e ao produto auténtico.
Adegas con enoturismo, pequenos produtores gourmet, espazos con historia ou arquitectura moderna con personalidade.

Se coidas o que fas e queres que as túas imaxes estean á mesma altura que o teu produto, imos entendernos ben.

queres potenciar a imaxe da túa adega ou espazo produtivo?

Se cres que as túas fotos actuais non fan xustiza ao que fas, e queres unha reportaxe que conte de verdade quen sodes e como traballades, falemos.