formación en fotografía: mirada, espazo e territorio
A fotografía non é só unha cuestión técnica nin unha sucesión de imaxes esteticamente agradables. É unha ferramenta para comprender e interpretar o espazo, o territorio e a identidade dos lugares.
A formación que imparto nace desa idea e dunha práctica continuada en contornas reais: aldeas, barrios, espazos con valor paisaxístico, patrimonial ou etnográfico, espazos en transformación, arquitectura que se habita no día a día. O obxectivo é axudar a desenvolver unha mirada consciente, rigorosa e con sentido, tanto para quen se achega á fotografía desde o interese persoal e cultural, como para quen precisa aplicala a proxectos profesionais concretos.
.
Os obradoiros de iniciación e roteiros fotográficos que propoño combinan práctica, reflexión e análise visual, adaptándose sempre ao contexto, ao público e aos obxectivos de cada actividade. Non son actividades “de catálogo”: cada proposta deseñase pensando no lugar e nas persoas que a van experimentar.
No caso dos obradoiros de fotografía de arquitectura e espazos, o enfoque é eminentemente práctico, combinando unha base teórica inicial, a toma de fotografías en contornas reais e un proceso completo de edición e exportación das imaxes, pensado para a súa aplicación profesional.
obradoiros de iniciación e roteiros fotográficos
Estes obradoiros e roteiros están pensados para quen quere aprender a mirar, comprender a fotografía como linguaxe e desenvolver criterio visual máis alá do uso da cámara. Traballamos co territorio e cos espazos cotiáns como materia prima, para que quen participa saia vendo a súa contorna doutro xeito.
.
.
Traballamos aspectos como:
✔️ A observación e a lectura do espazo
✔️ A luz natural e a súa relación co territorio
✔️ A composición e a intención da imaxe
✔️ A fotografía como relato e experiencia
Trátase dunha formación práctica, pero cun enfoque reflexivo, orientada a persoas con interese cultural, afeccionadas á fotografía ou colectivos que buscan unha aproximación máis consciente e honesta á imaxe, lonxe da postal fácil.
Dirixido a:
✔️ Público xeral adulto
✔️ Colectivos culturais
✔️ Concellos e institucións
✔️ Asociacións e grupos interesados no territorio e na paisaxe
Resposta en 24-48 h.
Obradoiros de fotografía de arquitectura e espazos
Se coordinas formación en escolas, facultades ou colexios profesionais, sabes que non abonda con “encher horas”: necesitas obradoiros que estean á altura do nivel do centro e do perfil do alumnado.
Esta liña formativa está orientada a quen precisa aplicar a fotografía a proxectos profesionais, especialmente no ámbito da arquitectura, do interiorismo e dos espazos construídos. O foco non está en trucos rápidos, senón en comprender como fotografar un espazo con intención, atendendo á súa función, á súa relación coa contorna e á mensaxe que debe transmitir.
.
.
Nos obradoiros trabállanse aspectos como:
✔️ Lectura e interpretación do proxecto arquitectónico
✔️ Uso da luz natural e artificial en interiores e exteriores
✔️ Composición aplicada á arquitectura
✔️ Fotografía pensada para portfolio, web e publicacións
En todos os casos seguimos unha estrutura sinxela e efectiva:
✔️ Parte teórica, para ordenar conceptos e referencias
✔️ Parte práctica, na que saímos fotografar e aplicar o aprendido
✔️ Parte de edición, onde revisamos as imaxes, comentamos decisións e pechamos o proceso
É unha formación práctica, rigorosa e orientada a resultados reais, sen artificios nin receitas universais, pensada para que poidas confiar no resultado cando poñas o teu nome ou o do teu centro detrás.
Dirixido a:
✔️ Fotógrafos en proceso de profesionalización
✔️ Arquitect@s e deseñador@s
✔️ Estudantes avanzad@s
✔️ Escolas de Artes e centros de formación
✔️ Colexios de arquitect@s e entidades profesionales
Resposta en 24-48 h.
Formación adaptada a cada contexto
Cada actividade formativa deseñase de xeito específico, tendo en conta:
✔️ O perfil do público
✔️ A duración e o formato
✔️ Os obxectivos da entidade ou do grupo
✔️ O contexto territorial ou arquitectónico no que se desenvolve
Os contidos poden adaptarse tanto a xornadas puntuais como a obradoiros máis extensos, roteiros ou accións formativas integradas en programacións culturais ou educativas. A idea é que o formato se adapte ao que precisas, sen perder fondo nin respecto polo lugar.
