servizos de fotografía para...
interiores e turismo rural
Reportaxes que mostran a atmosfera real da casa: zonas comúns, habitacións, detalles con historia e a contorna que lle dá sentido ao lugar.
Para quen: propietarios de casas rurais e pequenos hoteis que coidan o detalle, valoran o rural e queren que iso se vexa nas fotos.
Que obtés:
✔️ Imaxes que transmiten a experiencia real do teu hóspede (non un decorado falso).
✔️ Fotografía pensada para web, plataformas de reserva e redes, que che axuda a destacar fronte a outras casas da zona.
✔️ Un proceso de traballo sinxelo: ti preparas a casa, eu encárgome de que a luz, os espazos e a contorna conten a mellor versión da túa historia.
arquitectura
Reportaxes que explican o edificio a través da luz, os espazos e a súa relación coa contorna. Fotografía pensada para que o proxecto se entenda, non só para que quede “bonito”.
Para quen: arquitectos, promotores, construtoras e oficinas técnicas que necesitan mostrar o seu traballo con claridade e coidado polo detalle.
Que obtés:
✔️ Imaxes que respectan o teu deseño, a materialidade e o uso real do espazo.
✔️ Fotografía lista para concursos, publicacións, memoria técnica e portfolio profesional.
✔️ Unha reportaxe planificada: estudo o edificio, a luz e o entorno para que cada sesión renda ao máximo, sen facerche perder o tempo.
industrias e espazos produtivos
Reportaxes que mostran onde e como se fai o produto: instalacións, proceso, equipo humano e contorna. Fotografía pensada para transmitir confianza e coidado polo oficio.
Para quen: adegas, destilerías, fábricas e proxectos enoturísticos que queren ensinar algo máis que unha etiqueta: o lugar, a maneira de traballar e a historia que hai detrás.
Que obtés:
✔️ Imaxes do proceso, das instalacións e do equipo que reforzan a túa marca e o valor percibido do teu produto.
✔️ Fotografía útil para web, redes sociais, catálogos, visitas guiadas e comunicación con distribuidores ou prensa.
✔️ Unha mirada respectuosa co teu oficio: eu adáptome aos vosos ritmos de traballo e á realidade da produción, sen interromper nin montar un “teatro” artificial.
Todos os meus servizos teñen algo en común: fotografar espazos e proxectos ligados ao territorio.
Xa sexa arquitectura, aloxamentos turísticos ou adegas e pequenos produtores, o meu foco está en mostrar como se vive, se habita e se experimenta cada lugar para que o teu cliente entenda o valor real do que fas
paisaxismo
Reportaxes de exteriores: proxectos de paisaxismo, xardíns efémeros, parques e rutas.
Para quen: paisaxistas, concellos, promotores de xardíns e iniciativas culturais.
Que obtés: imaxes que documentan o proxecto e serven para promoción, memoria técnica e difusión.
documentación patrimonial e cultural
Reportaxe e arquivo para protección, divulgación e campañas de valorización patrimonial e cultural.
Para quen: asociacións de patrimonio, museos, concellos, axencias culturais e turísticas.
Que obtés: material de alta calidade para publicacións, exposicións e deseño de contidos educativos.
hostalaría
Imaxes orientadas a espazos de hostalaría: desde instalacións ata experiencias e contorna.
Para quen: bares, restaurantes, hoteis e negocios turísticos.
Que obtés: contido que potencia a marca, atrae clientes e comunica autenticidade.
Imaxes que mostran a personalidade dos teus proxectos e a súa relación coa contorna
formatos e entrega
Ficheiros TIFF/JPG (optimizados para impresión, web ou redes sociais).
Galería privada online para revisión e descarga, con posibilidade de entrega en formato físico.
Dereitos de uso:
licenzas claras, detalladas no orzamento e no contrato.
o investimento
Os proxectos de fotografía de arquitectura, interiorismo e paisaxismo abórdanse sempre de forma personalizada, en función das características de cada espazo, do desprazamento e das necesidades concretas de cada cliente.
De xeito orientativo:
desde 300 €
Por proxectos de menor escala
desde 600 €
Por proxectos de maior complexidade
* En proxectos recorrentes ou colaboracións continuadas, establécense condicións especiais adaptadas a cada caso.
** Tarifas actualizadas 2026 · IVE non incluído
e como facemos?
Contacta comigo por correo electrónico, WhatsApp ou chamada.
Falamos, avalío as túas necesidades e envíoche unha proposta clara e personalizada.
Sesión planificada e eficiente.
Entrega coidada das imaxes por descarga directa ou en soporte físico.