fotografía especializada para proxectos de interiorismo e decoración
fai que os teus proxectos falen por si mesmos
Coidas cada detalle: a elección das pezas, a harmonía das cores, a textura dos materiais, a luz que envolve cada espazo...
Se despois todo iso se documenta con fotos rápidas de móbil ou sen coidar a luz, o teu traballo non se percibe como merece.
As imaxes que compartes son a túa carta de presentación: para clientes que aínda non te coñecen, para redes e para posibles publicacións.
Reflicten o teu estilo, transmiten a túa personalidade e axudan a xerar confianza.
Por iso necesitas fotos que estean ao nivel do teu deseño.
por que contar cun fotógrafo especializado?
1. Atrae clientes que valoran o detalle
Mostras o verdadeiro nivel dos teus proxectos e afastas a quen só busca “algo rápido e barato”.
2. Crea unha imaxe de marca coherente
Unha linguaxe visual consistente en web, redes, dossier e presentacións profesionais.
3. Gaña visibilidade en redes e medios
Imaxes pensadas para funcionar en Instagram, webs e publicacións especializadas, sen ter que improvisar.
que che ofrezo
✔︎ Fotografía de interiores coidada, pensada para realzar o teu deseño
✔︎ Entrega en baixa resolución para web e redes sociais
✔︎ Entrega en alta resolución para dossier profesional e impresión
✔︎ Trato directo e implicación persoal en cada proxecto
"Traballo mellor con profesionais que valoran a planificación e o detalle tamén na fase de fotografía."
un proceso sinxelo e personalizado
Falamos do teu proxecto, do tipo de cliente que queres atraer e do uso que lle darás ás imaxes.
Acordamos data, espazos a fotografar e prazos de entrega.
Ti preocúpaste polo deseño, eu encárgome de que as fotos transmitan todo o seu valor visual.
exemplos de proxectos realizados
Aquí podes ver dous exemplos reais do tipo de proxectos que podo fotografar:
queres realzar os teus espazos con imaxes profesionais?
Se queres potenciar a imaxe do teu traballo como decorador/a ou interiorista e valoras unha reportaxe coidada, podemos falar.